• 讀者投稿

審議馬鞍山郊野公園邊陲改劃 過3分1委員和新地有關

文:本土研究社


馬鞍山改劃郊野公園邊陲既公眾諮詢剛剛完結,之後將交由城規會審議,但透過翻查城規會會議紀錄,發現即將負責審議既鄉郊及新市鎮規劃小組委員名單中,14個非官守委員入面有5個都同今次改劃最大潛在得益者——新鴻基地產——有利益瓜葛,表列如下:


伍穎梅:新鴻基旗下「九龍巴士(一九三三)有限公司」的股東【註一】


副主席廖凌康:過往與新鴻基有業務往來(2016年);利比有限公司董事總經理,而利比曾經參與建造新鴻基有份嘅中環廣場。【註二】【註三】


張國傑:其公司與新鴻基有業務往來(2018年)【註一】


黃天祥:現正與新鴻基有業務往來 (2020年)【註四】


黃元山:「團結香港基金」副總幹事,新鴻基主席郭炳聯為「團結香港基金」參事【註五】


多過3分之1的委員會都與單一地產商曾有業務往來,本身已經好唔健康,班委會又需唔需要避席? 其實雖然城規會會議要利益申報,但因為今次改劃嘅申請人唔係新鴻基,加上城規會委員利益申報冊出名唔透明【註六】,佢地審議今次馬鞍山郊野公園邊陲改劃,估計極有可能唔需要避席,或者仍然能參與討論,變左有機會造成「自己人審自己人」。


參考其他城規會會議紀錄,都能發現其他城規會委員同各大地產商如恆基、長實等都有明顯關係,而土地發展嘅利益好多時候都是間接獲得,例如如果今次改劃通過後,郊野公園邊陲發展嘅規範亦會隨之打破,日後踩入郊野公園嘅發展機會陸續有來,對一直「睺住」郊野公園嘅地產商都會係好消息。


直接及間接嘅利益既委員有咁多,究竟佢地係咪可以從公共利益作出發點當然成為合理疑問,城規會透明度及制衡亦存疑。如果今次城規會在知悉新鴻基相關委員嘅潛在利益衝突的情況下,仍然讓相關委員參與是次改劃的會議,則再次證明城規會委員的利益申報制度有嚴重漏洞。


註一:城市規劃委員會 鄉郊及新市鎮規劃小組委員會第601次會議記錄 https://bit.ly/3msEVwj

註二:城市規劃委員會 鄉郊及新市鎮規劃小組委員會第558次會議記錄 https://bit.ly/3awZOV5

註三:利比:高層建築,第11頁 https://bit.ly/3oWYcrx

註四:城市規劃委員會鄉郊及新市鎮規劃小組委員會第648次會議記錄 https://bit.ly/34ngf25

註五:團結香港基金 http://bit.ly/3nwOETJ

註六:城規會利益登記制度欠完善 公眾難監察 https://bit.ly/38gN7uw


#城規會

#搞乜郊野

#都係我嘅人